呢間「這一鍋皇室祕藏鍋物」唔只有御膳麻辣鍋，仲有一品酸菜鍋同老火湯。麻辣鍋以特選青花椒、四川大紅袍、燈籠椒等多種辣椒，按照黃金比例調配，配以大骨燉煮嘅特製湯頭，麻而不辣，湯頭香醇濃郁帶著淡淡中藥香。食材方面有鹿兒島A5同牛腿肉、台灣第一黑豚1983豬肉同海鮮拼盤等。

喺香港要食到廚師發辦Omakase，動輒過千，而嚟到「靛居鮨」，呢個價錢可以食4次。靛居鮨有Omakase同丼飯，Omakase午餐時段以台幣$880起跳，由師傅以當日最新鮮食材設計餐單，可以品嚐到真鯛、小肌、黑喉等魚生壽司，價錢超值。店內只有12個座位，午市及晚市總共只做三輪，記得早啲預約喇！

冬季進補點少得麻油雞，而「阿圖麻油雞」就係台灣嘅名店，喺台北都有5間分店！麻油雞嘅燉煮過程用上米酒同麻油，萃取雞肉嘅鮮美。阿圖雖然以「雞」做主打，同時仲有多款「麻油」料理，包括豬心、腰子、米血等，再配以麵線，吸盡麻油香，令人再三回味！